終於都等到呢日。

搬離以前60呎嘅臨時舖，搵到間似樣少少嘅office。其實我一路都唔鍾意商業大廈，所以搵咗好耐。又要位置好，又要開揚，又要清靜，仲要價錢合理，我咁麻煩… 好在終於畀我諗起呢間唔太似商業大廈嘅懷舊feel商業大廈。苦等2個月，終於有個袖珍studio單位出租。多謝黄耀明割愛，人山人海，真係有taste！

最重要係：唔駛再畀人誤會「你係咪北角嗰啲設計公司呀？」（我真係好憎呢個label）。

雖然地方都係未夠大，但係叫做暫時見得人。

為此，各方好友強烈要求公司搞個official開張儀式（因為舊年都無搞過），雖然我好怕呢啲嘢，不過都係跟番習俗，隨從民意，大家happy！多謝各位朋友嘅花籃，人生第一次收花籃，感激在心！

仲有部份傢俬未到香港，過多2、3個星期左右，歡迎大家上嚟坐，地址係：

1101 Hollywood Commercial House, 3 Old Bailey Street, Central

新office，新開始，順順利利！